OFL sot u ka dërguar formularin e deklarimit të pasurisë 3 të dënuarve për vjedhje me armë dhe për shitje e prodhim lëndësh narkotike.
Të dënuarit të cilët brenda 48 orëve duhet t'u përgjigjen pyetjeve të pasurisë, janë:
Ardit Ramaj banues në Mamurras, i dënuar për veprën penale “Vjedhja me armë”, e kryer në bashkëpunim;
Arben Bajraktari banues në Shemri, Kurbin, i dënuar për veprën penale “Prodhimi dhe shitja narkotikëve”;
Edmond Gjinaj banues në Laç, i dënuar për veprën penale “Prodhimi dhe shitja e narkotikëve”, e mbetur në tentativë.
Njoftimi i OFL:
Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:
A. R., banues në Mamurras, i dënuar për veprën penale “Vjedhja me armë”, e kryer në bashkëpunim;
A. B., banues në Shemri, Kurbin, i dënuar për veprën penale “Prodhimi dhe shitja narkotikëve”;
E. Gj., banues në Laç, i dënuar për veprën penale “Prodhimi dhe shitja e narkotikëve”, e mbetur në tentativë.
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.
OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.
OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.
Komente
Kjo OFL vetem ketyre qe jane ne burg jua con letren pse nuk shkon njehere nga kreret e kesaj shqiperie qef kane 30 vjet qe kane rjepur popullin lane name. Po deri sa po bejne denimin mendojet qe pow shlyejne gabimet qe kane bere apo kjo eshte qeveria qe duam
Përgjigju