Asambleja e Përgjithshme e Kombeve të Bashkuara votoi me shumicë dërrmuese të mërkurën për një armëpushim të menjëhershëm, të pakushtëzuar dhe të përhershëm midis Izraelit dhe militantëve palestinezë Hamas në Rripin e Gazës dhe lirimin e menjëhershëm të të gjithë pengjeve.
Kërkesa për armëpushim në rezolutë e miratuar me 158 vota pro në asamblenë prej 193 anëtarësh - u shpreh në një gjuhë më urgjente sesa ajo e Tetorit 2023.
Rezolutat e Asamblesë së Përgjithshme nuk janë detyruese, por kanë peshë politike, duke reflektuar një pikëpamje globale për luftën. Shtetet e Bashkuara, Izraeli dhe shtatë vende të tjera votuan kundër rezolutës së armëpushimit, ndërsa 13 vende abstenuan. Në seancë tonet debatuese u panë tek dy ambasadorët e Izraelit dhe Palestinës.
Ambasadori i Izraelit në OKB, Danny Danon akuzoi OKB-në se ka "një obsesion për të fajësuar Izraelin", ndërsa i dërguari palestinez i OKB-së Riyad Mansour e përshkroi Gazën si "plagë të hapur dhe të dhimbshme për familjen njerëzore" ku mbizotëron uria dëshpërimi dhe vdekja”
Organizata botërore shprehu gjithashtu mbështetjen e saj për agjencinë palestineze të OKB-së UNRËA, duke miratuar një rezolutë të dytë me 159 vota pro për të dënuar një ligj të ri izraelit që do të ndalojë operacionet e UNRËA në Izrael nga fundi i janarit.
Asambleja kërkoi që Izraeli të respektojë mandatin e agjencisë dhe "të mundësojë që operacionet e saj të vazhdojnë pa pengesa apo kufizime". SHBA, Izraeli dhe shtatë vende të tjera votuan kundër, ndërsa 11 vende abstenuan.
Komente
I pari vend nazist e i dyti vend fashist
Përgjigju