Raporti i Komisionerit të Lartë të OKB për të Drejtat e Njeriut, Michelle Bachelet, është publik pas vizitës së saj në Venezuelë nga 19 deri më 21 qershor.
Dokumenti, i paraqitur në Gjenevë, nuk lë asnjë dyshim për pasojat e degradimit të regjimit të Nicolás Maduro.
Sipas raportit, "Përdorimi i tepruar dhe vdekjeprurës i forces është përdorur në mënyrë të përsëritur. Ne kemi dokumentuar gjithashtu përdorimin e forcës në operacionet e forcave speciale që kanë gjeneruar vrasjen e shumë të rinjve”
Raporti i Michelle Bachelet është një dush i ftohtë për Nicolas Maduro.
Për raportin, nuk ka vonuar dhe reagimi i zëvendësministrit të jashtëm venezuelian në OKB. "Në përmbajtjen e këtij raporti mbizotëron informacioni selektiv dhe i pjesshëm. Nuk ka krizë humanitare në Venezuelë. Ne kemi probleme në lidhje me faktorë të ndryshëm socioekonomikë por qeveria ka siguruar paqen, demokracinë dhe drejtësi shoqërore.
Sot, në ditën e Pavarësisë së Venezuelës, udhëheqësi i opozitës Juan Guaido përfitoi nga rasti për të denoncuar "diktaturën" e Presidentit Nikolas Maduro.
Ai përmendi në fjalën e tij edhe raportin e Komisionerit të Lartë të OKB për të Drejtat e Njeriut, Michelle Bachelet, duke deklaruar se “nuk do ti dorëzohemi diktaturës”.
Komente
