Mungesa e medikamenteve, qendrat e pakta të specializuara dhe numri i kufizuar i pajisjeve janë ndër shqetësimet më të mëdha që u ngritën në një konferencë rajonale shëndetësore, ku mjekë onkologë dhe përfaqësues të institucioneve ndanë realitetin të trajtimit të kancerit në Shqipëri.
Kleida Mati, onkologe, theksoi se sfidat nuk kufizohen vetëm te barnat
“Mungesa e medikamenteve te reja këtu në Shqipëri është një nder problemet kryesore që ne kemi por nuk është i vetmi. Kur flasim për pabarazi ndaj aksesit të shërbimeve mjekësore për pacientët më kancer nuk është çështja te barnat e reja apo inovative. Por mbi të gjitha është aksesi në shërbimin në tërësi te tyre. Pra shërbime qe kanë lidhje me parandalimin, diagnostikimin e hershëm shërbimi që kanë lidhje me menaxhimin e efekteve anësore që vijnë nga këto terapi apo edhe integrimin e pacienteve ne jetën e përditshme pas trajtimit”, shprehet Mati.
Problematika të ngjashme u evidentuan edhe nga anëtari i Forumit Evropian i Pacientëve në Rumani, i cili theksoi rëndësinë e përhapjes së qendrave onkologjike dhe rritjes së stafit të specializuar.
Radu Ganescu, nga Forumi Evropian i Pacientëve, Rumani, u shpreh:
“Është shumë e rëndësishme të kemi klinika mjekësore dhe mos të përplasemi vetëm të ajo kryesorja në kryeqytet apo në qytete të mëdha. Është shumë e rëndësishme po ashtu që të kemi edhe burime njerëzore. Sepse ne nëse nuk kemi specialistë, mjekë apo infermierë është e pamundur të ofrojmë shërbimin e duhur. Duhet të kemi edhe më shumë sisteme edhe financime të posaçme për parandalimin e sëmundjes.”
Ndërkohë, Liridona Beqiri nga Ministria e Financave e Maqedonisë së Veriut, pranoi se politika shëndetësore në rajon ka ecur me hapa shumë të ngadaltë. Zëvendës Shefi i Departamentit për Drejtim Regjistrat nënvizon se:
“Jemi gjeografikisht të afër ne rajon edhe ne ndajmë përvojat jo dhe aq të mirapor edhe nga ana tjetër edhe mund ta themi një avancim të ngadalshëm i politikave shëndetësore. Ka shumë për tu bërë”.
Në përfundim të konferencës, organizatorët bënë thirrje për më shumë bashkëpunim mes vendeve të rajonit dhe institucioneve shëndetësore, në mënyrë që pacientët me kancer të përballen vetëm me sëmundjen, edhe jo me sistemin.
Komente
