Një grup nxënësish ekselentë nga Gjimnazi “Ismail Qemali”, ka zhvilluar sot një vizitë në Ministrinë e Mbrojtjes, për të vëzhguar një ditë punë në këtë institucion.
Vizita e gjimnazistëve u bë në kuadër të nismës “Open Day”, e cila është iniciuar nga Agjencia për Media dhe Informim.
Pjesë e agjendës së vizitës së nxënësve në ministrinë e Mbrojtjes ka qenë dhe takimi me kreun e këtij dikasteri, Niko Peleshin, shefin e Shtabit të Përgjithshëm dhe zyrtarë të lartë ushtarakë, të cilat rrëfyen punën e tyre të përditshme dhe sfidat me të cilat përballet kjo ministri.
Vizita në Akademinë e Forcave të Armatosura rezultoi një eksperience unike për gjimnazistët, duke bërë që për të kuptonin rëndësinë e këtij institucioni dhe ta konsideronin si një alternativë për të ardhmen.
Programi #OpenDay është një nismë e Agjencisë për Media dhe Informim në kuadër të edukimit dhe informimit të të rinjve lidhur me funksionet, detyrat, ambientet e institucioneve qeveritare, si dhe mundësimin e takimit me përfaqësues të lartë të institucioneve përkatës për të diskutuar mbi nevojat e të rinjve dhe mundësimin dhe ofrimin e zgjidhjeve më të mira për ta.
