Detajet nga dosja 'Shpirti' kanë nxjerrë sot në pah pushtetin që kishte koka e grupit Ilirjan Ducellari, pasi efektivë të policisë i mundësonin atij fikjen e radarëve për kalimin e drogës nëpërmjet detit, në këmbim të 15.000 eurove.
Për këto detaje ka ardhur një reagim nga Sekretari i Përgjithshëm i LSI, Endrit Braimllari i cili thotë se e kanë denoncuar më parë fikjen e radarëve nga ana e policisë të cilët favrizonin trafikun e drogës. Sipas tij, pushteti i Edi Ramës e drejton trafikun e drogës në vendin tonë.
"Pushteti i Edi Ramës drejton trafikun e drogës. E kemi denoncuar prej kohësh që radarët fiken me urdhër të policisë për të favorizuar trafikun e drogës. Çdo strukturë shtetërore e Edi Ramës është e përfshirë në trafik. Trafiku i drogës mban peng të ardhmen e vendit", shkruan Braimllari.
Lajmi kryesor:
Ish-shoqëruesit e Saimir Tahirit në trafik droge, Basha: Asgjë nuk lëvizte e nuk lëviz pa lejen e 'bablokut'
SI.E./ReportTv.al
