Politikë

Opozita nesër bllokon rrugët, kërkon shtyrjen e seancës së Kuvendit

Demokratët propozojnë që Kuvendi të mblidhet në orën 18:00, pasi të jetë zhvilluar protesta e opozitës, ku do të bllokohen disa akse rrugore nacionale.  

4 Prill 2018, 17:47| Përditesimi: 5 Prill 2018, 08:26

  • Share

PD dhe LSI i kërkojnë kryetarit të Kuvendit Gramoz Ruçi që të shtyjë seancën e Kuvendit e planifikuar të t’u zhvilluar nesër në orën 10:00. Demokratët propozojnë që Kuvendi të mblidhet në orën 18:00, pasi të jetë zhvilluar protesta e opozitës, ku do të bllokohen disa akse rrugore nacionale.  

Gjithashtu Fronti Opozitar ka vendosur të mbështesë çdo protestë të qytetarëve, për paralizimin e qarkullimit të automjeteve për disa orë. Protesta e opozitës pritet të zgjasë rreth tre orë nga ora 10:00 deri në 13:00. 

Akset e bllokuara nga protestuesit do të jenë rrethrrotullimi i Bradasheshit për Lindjen, në Elbasan, rrethrrotullimi në Çermë për Jugun, rrethrrotullimi Milot për Veriun dhe në Vorë për Shqipërinë e Mesme.


Lajmi kryesor:

Basha: Nesër nisim mosbindjen civile, ja pikat strategjike që bllokojmë
  • Sondazhi i ditës:

    Berisha kundër uljes së çmimit të energjisë elektrike, si iu duket?