Udhëheqësit e Bashkimit Europian nënshkruan një deklaratë mbi konkurrencën në një samit infomal në Budapest gjatë ditës së sotme. Kryeministri hungarez Viktor Orban në një konferencë për shtyp theksoi se qëllimi i përbashkët i deklaratës është ‘ta bëjmë Evropën përsëri të madhe’, sipas sloganit të Trump ‘Ta bëjmë Amerikën përsëri të madhe’.
Orban i cili është aleat i Trump që fitoi zgjedhjet presidenciale këtë javë në SHBA, tha se masat e renditura në deklaratën e Budapestit përfshinin hapa të menjëhershme për të ulur çmimet e larta të energjisë.
Më herët në Budapest u mbajt edhe samiti i Komunitetit Politik Evropian, pjesë e së cilës ishte dhe kryeministri shqiptar Edi Rama së bashku me liderë të tjerë të BE-së dhe rajonit.
Ndërkohë në SHBA, më 5 nëntori Trump mundi bindshëm kandidaten demokrate Kamala Harris për t’u rikthyer në Shtëpinë e Bardhë pas 4 vitesh për një mandat të dytë, me sloganin ‘Make America Great Again’.
