Policia e Tiranës ka proceduar në gjendje të lirë një 43-vjeçar, F.Z., banues në Tiranë pasi gjatë kontrollit në lokalin e tij në rrugën “Don Nikoll Marku”, u gjetën 11 monitorë me tastiera të markave të ndryshme, një njësi kompjuteri dhe një pajisje për shpërndarje interneti që shërbenin për të ushtruar veprimtarinë e lojrave të fatit, të cilat u sekuestruan.
Ai tashmë akuzohet për veprën “Vënia në dispozicion e lokaleve për vepra të palejuara”dhe për dhe “ Organizimi i lotarive të palejuara”. Kontrolle kundër aktivitetit të paligjshëm të lojrave të fatit, do të vijojnë në të gjithë qarkun e Tiranës, me qëllim parandalimin, evidentimin dhe ndëshkimin e këtij aktiviteti të kundraligjshëm. Policia e Shtetit ka bërë edhe një ftesë për qytetarët që të denoncojnë rastet në fjalë.
Komente
