Operatori i Shpërndarjes së Energjisë Elektrike ka hapur një tjetër ankand për të blerë energji elektrike në tregjet ndërkombëtare. Burime për Report TV bëjnë më dije se synohen 75.600 megavat për periudhën 18-24 Tetor. Ankandi pritet të mbyllet në orën 15.00.
Pak ditë më parë OSHEE hapi tre ankande ku bleu mbi 29 mijëmegavat nga 44,400 megavat të kërkuara për periudhën 13 – 17 Tetor, me çmim mesatar 259 Euro/megavat, ose rreth 7.5 milionë euro.
Këto janë ankandet e para që po hapen nga OSHEE pas shpalljes së emergjencës së furnizimit me energji elektrike, që pritet të arrijë kulmin në vitin e ardhshëm.
K.T./ReportTv.al
Komento
