Tiranë- Gjykata Kushtetuese ka vendosur që të shqyrtojë më 26 Nëntor në seancë publike kërkesën e depozituar nga Dashamir Shehi për ndryshimet në Kodin Zgjedhor të kaluara në seancën e 26 Korrikut nga dy partitë e mëdha me votim në Parlament.
Në emër të partisë së tij Lëvizja për Zhvillim Kombëtar, bashkë me “Shqipëria Bëhet”, ata depozituan ankimim në GJK kundër ndryshimeve të Kodit Zgjedhor dhe veçanërisht çështja e listave të hapura.
Siç njoftin sekretari i Kushtetueses, seanca do mbahet në orën 10, palët duhet të paraqiten 10 minuta para dhe kanë në dispozicion 20 minuta për dëgjesë.
Kryetari i Lëvizjes për Zhvillim Kombëtar, Dashamir Shehu, ka paditur në muajin Gusht të këtij viti ndryshimet në Kuvend.
Kodi i ri u miratua me votat e Partisë Socialiste dhe ato të deputetëve të PD, ndërsa ndryshohej formula e listave për deputetë.
Tashmë përcaktohet që 1/3 e kandidatëve do të përcaktohet nga partitë përkatëse.
Në padi specifikohet se deputetët duhet të vendosen nga qytetarët, jo partitë, ndërsa ka kërkuar lista të hapura.
