TIRANË - Gjykata e Posaçme Anti-korrupsion shtyu për në datën 13 janar gjyqin për padinë e shpifjes të bërë nga ish drejtori i policisë Shkodër Edmond Sula ndaj deputetit të PD Gazmend Bardhi.
Gjyqtarja e çështjes e shtyu seancën për shkak se gjykatës nuk i kishte ardhur konfirmim se Gazmend Bardhi kishte marrë dijeni për gjyqin e kësaj të hëne. I pranishëm sot ishte edhe Edmond Sula se bashku me avokatin, ndërsa Gazmend Bardhi përfaqësohej nga avokati Marash Logu
Seancën e kaluar, palët nuk pranuan ta zgjidhnin konfliktin me pajtim, çka bëri që Gjykata e Posaçme të kalonte çështjen në seancë gjyqësore.
Edmond Sulaj paditi në GJKKO kreun e grupit parlamentar të Partisë Demokratike Gazmend Bardhi, pasi ky i fundit në datë 12 shtator, në foltoren e Kuvendit, hodhi akuza ndaj ish drejtorit të policisë Shkodër.
Bardhi lexoi disa komunikime që kanë dalë nga aplikacioni Sky Ecc, për të cilat thotë se janë provë se drejtori i policisë Shkodër është emëruar nga bandat.
Përveç kësaj çështje, Bardhi është paditur në GJKKO edhe nga OSHEE sha.
Komente
Komisar Edmondin e njoh qe kur ishte tek 3 ne tr Prefesionist dhe qytetar. I thjeshte dhe i gatsheme per te bere detyren. Njerez si Edmondi i duhen jo vetem institucioneve ligjzbatuese por dhe si qytetar. Suksese me tej i urroj..
PërgjigjuBardhi ,eshte thjesht nje shpifes profesionist.Ai do te kerkoj te shmanget nga gjykimi me raporte mjeksore (si Basha) dhe me arogance si shefi tij Berisha.
Përgjigju