Politikë

Anti-shpifja/ OSBE jep 'OK' për draftin e ri me ndryshime: Do vëzhgojmë aktet nënligjore dhe implementimin

17 Dhjetor 2019, 18:31| Përditesimi: 17 Dhjetor 2019, 19:52

  • Share

TIRANE- OSBE ka dhënë miratimin për ndryshimet e fundit të bëra në paketën anti-shpifje, në bashkëpunim me kryeministrin Edi Rama dhe qeverinë shqiptare. OSBE vë në dukje se është punuar për të përmirësuar projekt-ligjin mbi median, siç është eleminimi i detyrimit të regjistrimit, vendosja e masave mbrojtëse lidhur me standardet ndërkombëtare si dhe përcaktimi i kufinjve të rreptë për përmbajtjen.

OSBE thotë se drafti përfundimtar eleminon rolin e AKEP ndërsa do të vazhdojë punën për të zvogëluar nivelin e gjobave, ndërsa paralajmëron se do të monitorojë nga afër zbatimin e ligjit, i cili nuk duhet të pengojë lirinë e shprehjes për mediat.

"Ne kemi punuar me kryeministrin Edi Rama dhe qeverinë e Shqipërisë deri në minutën e fundit për të përmirësuar projektligjet për median, dhe për t’i sjellë ato në përputhje me standardet ndërkombëtare dhe angazhimet e OSBE-së.

Shumë përmirësime janë bërë në versionin e fundit të botuar sot në krahasim me projektligjet e mëparshme. Detyrimet e regjistrimit janë eliminuar, masa mbrojtëse të përgjithshme lidhur me standardet ndërkombëtare janë prezantuar (neni 4); janë prezantuar kufij të rreptë për marrjen e përmbajtjes.

Rregullimi i së drejtës së përgjigjes është përshtatur me nevojat e botimeve elektronike dhe është kufizuar për të shmangur keqpërdorimet (neni 53/1); atribuimi i ri i AKEP është eleminuar.

Puna do të vazhdojë për të ulur nivelin e gjobave, dhe për miratimin e një instrumenti nënligjor të ardhshëm, në mënyrë që të garantohet se nuk mund të vendosen gjobitje jo proporcionale për ofruesit e shërbimeve elektronike të publikimit.

Zyra ime do të monitorojë nga afër zbatimin e ligjit i cili në asnjë mënyrë nuk duhet të pengojë lirinë e shprehjes dhe lirinë e mediave. AMA duhet të zbatojë ligjin në një mënyrë vërtet të pavarur.",tha Rama.

/r.k./ReportTv.al
Komento

Komente

  • Geist: 18/12/2019 11:47

    Depozitat jane burim infeksionesh, nuk jane te sigurta (kalojne peshen e lejuar ne tarrace, termeti helloo!) dhe siperfaqja mund te perdoret me mire per panele diellore ose bime. POR, a do siguroje bashkia uje 24/7?

    Përgjigju
  • Sondazhi i ditës:

    Sipas jush, a mund të integrohet Shqipëria në BE brenda 2030-ës?