"Paketa Moneyval miratuar dje nga Parlamenti sjell mjete të reja për të luftuar në mënyrë efektive kundër pastrimit të parave dhe financimit të terrorizmit në Shqipëri"- kështu ka deklaruar së fundmi Ambasadori i Bashkimit Europian në Shqipëri, Lugi Soreca.
Përmes një postimi në Twitter, Soreca ka thënë se miratimi i kësaj pakete e sjell Shqipërinë më pranë standarteve të BE-së.
Kujtojmë, se paketa Moneyval përmban 5 projektligje, të cilat parashikojnë ndryshime në ligjin për regjistrimin e biznesit, për procedurat tatimore, për masat kundër financimit të terrorizmit, për parandalimin e pastrimit të parave dhe financimit të terrorizmit, si dhe për administrimin e pasurive të sekuestruara e të konfiskuara.
"Shqipërisë i duhet ende të ketë rezultate për rekomandimet e mbetura të Moneyval"- thekson ndër të tjera Soreca.
Ndërkaq, ambasadori tha se BE i mbështet përpjekjet e Shqipërisë në luftën kundër krimit të organizuar dhe korrupsionit.
Komente
