Një minë false me telekomandë ka alarmuar banorët e Unazës së Re tek rrethrrotullimi i dytë. Pakoja në fjalë dyshohet se është lënë qëllimisht në këtë zonë për të përhapur panik.
Në fillimi në pakon e gjetur në rrugë, anash një bordurë u dyshua se mund të kishte lëndë plasëse por pas mbërritjes në vendngjarje të ekspertëve antieksplozit, është bërë shpërthimi i telekomanduar i pakos ku rezultoi se brenda saj nuk kishte lëndë eksplozive por kishte dy bateri të vjetra, një bobinë dhe një kapak celulari, të lidhura dhe të mbështjella me natriban për të krijuar idenë e një mine me telekomandë.
Grupi hetimor vijon punën për sqarimin e plotë të rrethanave të ngjarjes, identifikimin dhe kapjen e autorit.
Komento
Komente
