Pacientët e shtruar në spitalet COVID tashmë kanë një mënyrë të re komunikimi me të afërmit dhe familjarët që ndodhen jashtë spitalit në pritje për të marrë informacione për shëndetin e tyre.
Kjo mënyrë komunikimi do të bëhet përmes tabletave të posaçme që janë vënë në dispozicion.
Lajmin e ka dhënë ministrja e Shëndetësisë Ogerta Manastirliu, e cila ka publikuar disa pamje brenda spitalit Infektiv, nga ku tregohet se si pacientët me COVID që janë shtruar në spital flasin me të afërmit përmes tabletave.
"Një mënyrë e re komunikimi përmes tabletave të posaçme që kemi vënë në dispozicion, për t’ju dhënë pacientëve të shtruar në spital me COVID, nga familjarët që presin me padurim të shohin të afërmit e tyre", shkruan ministrja.
"Jemi shumë mirë edhe ti do të bëhesh mirë, pa merak fare", me këto fjalë e ngushëlloi familjari një paciente të shtruar te Infektivi.
Prej kohësh familjarët e të prekurve me COVID kanë ngritur shqetësimin e familjarëve se nuk mund të flasin dot më të afërmit e tyre të shtruar në spitalin infektiv dhe se kërkojnë më shumë informacion mbi gjendjen e tyre.
Por tashmë ministria e Shëndetësisë ka vendosur se disa persona nga stafi mjekësor të pajisjen me tableta dhe se familjarët të mund të flasin dhe shohin me figurë gjendjen e të afërmeve të tyre.
Komente
Ti ndalosh te semurit telefonin portabel pra celularin ne spital eshte krim . shkelje e te drejtave te njeriut vetem me urdher prokurorie te sekuestrohet telefoni o njerez .Ne asnje shtet te botes nuk ndodh kjo.Shkoni dhe ankimoni qofte dhe nje qytetar i thjeshte te hapi padi kunder infektivit tirane ne prokurori dhe direkt fiton dhe me ate shkrese spitali nuk i lejohet me te heq telefonin pasi me vendim gjykate kjo eshte e mundur dhe spitali te bej punen ska pse te meret me telefonat.por duhet vetem nje veprim i thjeshte te ankimoj dikush ne gjykate kaq.
Përgjigju