Me gropa dhe pa kanalizime, rruga që lidh zonen turistike të Shëngjin me superstraden Lezhë-Milot ka degraduar. Segmenti me gjatësi 8 km ka pësuar dëmtime të shumta, ku në disa vende, gropat e hapura dhe prezence e ujit është kthyer në shqetësim për drejtuesit e automjteve.
Banorët e zonës dhe drejtuesit e automjeteve thanë se "është kthyer në burim aksidentesh,pasi rruga është e ngushtë dhe për të shmangur gropat detyrohen të devijojnë korsinë. Raste të tilla janë të shpeshta,- theksojnë ata,- duke e konsideruar të papranueshme situatën e krijuar".
Rruga e Shëngjinit është në varesi të Autoritetit Rrugor Shqiptar dhe përmes shkresave të vazhdueshme Prefektura e Lezhës, tha se ka kërkuar ndërhyrje të mënjehershme, por deri tani nuk është vepruar nga Autoriteti Rrugor.
Në këto kushte ky është prezantimi më i keq që i bëhet zones turistike të Shëngjinit e cila gjatë muajve të veres pret e përcjell mijera turistë vendas dhe të huaj.
Komente
