Astrologia Saltanat Nukenova, 31 vjeçe është rrahur për vdekje nga bashkëshorti i saj, ish-ministri i ekonomisë Kuandyk Bischimbayev.
Ngjarja ka ndodhur në një restorant që i përkiste një prej të afërmve të tij.
Pamjet e publikuara në gjykatën e lartë të ish-republikës sovietike, kanë shokuar opinionin publik dhe ka nxitur peticione për dënime më të rënda për dhunën.
Nëse Bischimbayev shpallet fajtor ai do të dënohet me 20 vjet burg.
Fillimisht i akuzuari pretendonte se gruaja vdiq nga plagë të vetë-shkaktuara më 9 nëntor 2023, por pamjet e kamerave të sigurisë kanë dëshmuar të kundërtën, pasi ai shihet që godet me grushte gruan e tij.
Ndërsa gjatë kësaj jave Bishimbayev pranoi se e kishte rrahur atë dhe kishte shkaktuar vdekjen e saj në mënyrë aksidentale.
Saltanat Nukenova u gjet e vdekur nga trauma në kokë në një nga dhomat VIP të restorantit.
Ajo ishte gruaja e tretë e ish-ministrit dhe sulmi kishte ardhur kur ajo përsëriti kërkesën për t’u ndarë.
