Pogradec- Një tjetër aksident ka ndodhur ditën e sotme dhe këtë herë në aksin problematik të Qafë Thanës. Bilanci i karambolimit të dy automjeteve është 5 persona të plagosur.
Policia konfirmoi ngjarjen dhe bëri me dije se aksidenti ndodhi rreth orës 12:00, në aksin Pogradec-Qafë Thanë.
Një nga makinat e aksidentuara
Nga hetimet paraprake rezulton se automjeti tip "Volksëagen", me drejtues I. R., është përplasur me automjetin e markës "Benz", me drejtues shtetasin P. G.
“Nga aksidenti janë dëmtuar 2 drejtuesit e automjeteve dhe 3 pasagjerë (në makinën e parë), të cilët po marrin mjekim në spital”, tha policia vendore. Gjendja e tyre njoftohet se është e stabilizuar dhe jashtë rrezikut për jetën.
Vendi ku ndodhi aksidenti rrugor
Në vendngjarje shkoi grupi hetimor dhe ai i ekspertëve të Qarkullimit Rrugor, që po punojnë për sqarimin e rrethanave, dinamikës dhe përcaktimin e shkakut të aksidentit nëpërmjet ekspertimit autoteknik.
Komente
Ore shikoni vajin qe hedhin legenat neper asfalt
Përgjigju