Mbi 30 automjete, prodhime të viteve 1930 deri në vitin 1994 u ekspozuan këtë të hënë në sheshin “Europa” në Fier. Panairi “Retro” vjen si një organizim për të gjithë të apasionuarit pas makinave të vjetra.
Njëri prej tyre është Ferman Bendaj, i cili prezantoi motorin e trashëguar nga babai i tij që prej Luftës së Dytë Botërore.
Vlera e motorit është e paçmueshme për të, pasi mbart një lidhje shpirtërore që kalon nga brezi në brez.
Në këtë organizim, një tjetër i apasionuar pas mjeteve retro, Arber Xhihani, i cili mori pjesë me një Benz R 129. Mjetet të tilla, thotë ai, kërkojnë përkujdesje të vazhdueshme.
Autokolona me mjetet të veçanta ngjalli kuriozitetin e shumë qytetarëve, të cilët shfrytëzuan mundësinë për t’i parë nga afër.
Komento
Komente
