Pandispanjë e sherbetosur
Përbërësit:
- 10 kokrra vezë
- 10 lugë sheqer
- 10 lugë miell
- 1 lugë kafeje sodë
- Për shurupin:
- 500 gr sheqer
- 400 ml ujë
- Pak vanilje
- Fetëza limoni
Përgatitja:
Ndajmë veç të verdhat dhe veç të bardhat e vezëve. Në një enë qelqi ose inoksi rrahim të verdhat e vezëve me sheqerin derisa masa të zbardhet dhe të bëhet kremoze. Shtojmë dalëngadalë miellin e përzier me sodën dhe e trazojmë mirë. Rrahim të bardhat e vezëve në marengë të fortë dhe e shtojmë pak nga pak tek të verdhat, duke i përzier me lugë druri ose me spatull ngadalë, nga anët për në mes. Në tavë shtrojmë një letër pjekjeje, e lyejmë me pak gjalpë, e spërkasim me pak miell dhe hedhim masën e përgatitur. E pjekim në furrë të parangrohur, në temperaturë 175 gradë Celsius për 25 minuta. Ndërkohë përgatisim shurupin dhe e lëmë të ftohet. Pasi pandispanja të jetë pjekur, e lëmë të ftohet dhe më pas e sherbetosim.
Komente
