Christian Kouame, futbollisti i Fiorentinës në ligën italiane të futbollit dhe anëtari i Bregut të Fildishtë është shtruar në spital, ku është konstatuar se vuante nga malaria.
Kouame ishte pjesë e ekipit kombëtar të Bregut të Fildishtë, fitues i Kupës së Kombeve Afrikane 2024, por u sëmur pasi u kthye në klubin e tij në Firenze. Sipas njoftimit të Fiorentinës, Kouame pati ethe natën mes të martës dhe të mërkurës, ndaj u shtrua në spital, ku rezultoi pozitiv me malarie.
Sulmuesi 26-vjeçar nga Bregu i Fildishtë ka luajtur në katër ndeshje për kombëtaren e tij në Kupën e Afrikës dhe ka luajtur 22 herë për skuadrën e Fiorentinës deri më tani këtë sezon.
Kouame është futbollisti i tretë i Kupës së Kombeve Afrikane që diagnostikohet me malarie gjatë ose pas turneut. Më herët, dy lojtarë nga Mali, Moussa Diarra dhe Yves Bissouma, rezultuan pozitivë me virusin. Paraqitja e fundit e Kouame ishte në çerekfinale kundër Malit.
