Papa Francesku duhet të qëndrojë ende i shtruar në spital. Rezultatet e analizave të kryera ditët e fundit dhe këtë të hënë kanë dëshmuar një infeksion polimikrobial të rrugëve të frymëmarrjes që ka çuar në një modifikim të mëtejshëm të terapisë ndaj tij.
Kështu komunikon Zyra e Shtypit e Vatikanit për gjendjen e Papës të shtruar në Gemelli.
“Të gjitha analizat e kryera deri më sot janë tregues i një pasqyre klinike komplekse që do të kërkojë një qëndrim adekuat në spital”, shtohet në komunikatë.
Sot në mëngjes drejtori i zyrës së shtypit të Selisë së Shenjtë Matteo Bruni tha se Papa kishte pushuar mirë gjatë natës, duke kaluar një natë të qetë, duke ngrënë mëngjes dhe duke iu përkushtuar leximit të gazetave.
Sot, siç dihet, është anuluar vizita e Papës në Cinecittà, për Jubileun e Artistëve. Ansa thotë se për momentin ende nuk ka asnjë parashikim për kthimin e Françeskut në Vatikan, në Casa Santa Marta, që gjithsesi nuk duhet të ndodhë para mesjavës.
Komente
