Report TV ka zbardhur detaje të reja lidhur me atentatin e parandaluar ditën e djeshme nga policia në Berat ku u shpallën në kërkim 3 persona të dyshuar si vrasës me pagesë. Njëri prej tyre, Arli Shehu është kapur këtë të enjte (1 qershor)
Gazetarja Mimoza Sinanaj raporton se tre anëtarët e grupit kriminal, Hamir Berisha, Arli Shehu dhe Ermal Gora morën një makinë tip ‘Chevrolet’ me qera për 5 ditë, për të ndjekur shënjestrën i cili shkonte çdo fundjavë në Berat.
Por këtë herë, shënjestra nuk shkoi në Berat dhe për këtë arsye i shpëtoi atentatit.
Kujtojmë se ditën e djeshme në kontrollin e makinës u gjet një motoçikletë e vjedhur në Kosovë, bashkë me një armë zjarri automatik me silenciator, një pistolete me silenciator, municion luftarak, 2 skafandra, veshje kamuflazh (xhup meshini), 2 radio, dylbi, dorashka dhe lëndë djegëse. Armët e gjetura janë dërguar në Laboratorin e Policisë Shkencore. Ndërkohë 3 autorët e dyshuar u arratisën në pyll pasi kuptuan se policia ishte vënë në ndjekje të tyre.
Grupi i hetimit është treguar i rezervuar në lidhje me personin që ishte objektiv i grupit të vrasësve. Hamit Berisha, Arli Shehu dhe Ermal Gora unshpallë në kërkim për akuzat "Sigurim të kushteve dhe mjeteve për të kryer vrasje" dhe "Prodhimi e mbajtje pa leje të armëve, armëve shpërthyese dhe municionit luftarak".
Kapet njëri nga tre personat e shpallur në kërkim si pjesë e grupit kriminal që do të organizonin atentat në Berat.
Në prangat e policisë ka rënë 30-vjeçari nga Korça Arli Shehu, informon gazetarja e Report Tv Mimoza Sinanaj. Ai së bashku me dy shtetasit e tjerë: Hamit Berisha,55-vjeç,nga Kosova dhe Ermal Gora, 43-vjeç, nga Tirana kishin planifikuar kryerjen e një atentati në qytetin e Beratit, por të gjendur nën presionin e policisë kishin fshehur automjetin në fshatin Moravë.
Brenda në automjet policia gjeti edhe të gjitha mjetet që do përdoreshin për kryerjen e krimit, ndërkohê që tre autorët duke përfituar nga errësira ishin larguan drejt zonave të pyllëzuara pasi kuptuan se policia ishte vënë në ndjekje të tyre.
Komente
Tre kafshe.Ndjese kafshve per krahasimin.
PërgjigjuDuhet denimi me vdekje per keta spurdhjak ska shtet duhet enveri ti thon bukes pap.
PërgjigjuKe te drejte por kush do ta bej kete ligj ? Vetem ai ligj i ben pula keta kulishat me pagese dhe te tjeret qe vrasin per gjera vk