Luan Lalaj, 40-vjeç është arrestuar ditën e sotme në fshatin Rrilë të Lezhës pasi po dhunonte fizikisht familjarë të tij dhe po i kërcënonte me një armë gjahu.
40-vjeçari problematik, duke mos u mjaftuar me dhunën dhe kanosjen ndaj të afërmve të tyre u dëmtoi mjetet dhe më herët iu ka vjedhur nga banesa sende dhe i ka shitur.
Lalaj u arrestua dhe akuzohet për veprat penale “Mbajtja pa leje e armëve të gjuetisë dhe sportive”, "Dhuna në familje" dhe "Shkatërrimi i pronës".
U sekuestrua arma e gjahut që u përdor për kanosjen. 40-vjeçari i arrestuar e mbante armën e gjahut, pa autorizimin përkatës në emër të tij. Materialet procedurale i kaluan Prokurorisë pranë Gjykatës së Rrethit Gjyqësor Lezhë, për veprime të mëtejshme.
Komento
Komente
