Ditët e fundit të shkurtit do të ndikohen nga një mot i paqëndrueshëm. Kështu u shpreh për Report Tv, Anira Gjoni, specialistja nga Instituti i Gjeoshkencave.
“Ditën e nesërme do të kemi një ndërprerje të reshjeve në të gjitha qarqet për të vijuar përsëri ditën e enjte. Në veri dhe lindje reshjet do të jenë në formën e dëborës, mbi 1000 m”, tha Gjoni për Report TV.
Sa i përket temperaturave do të kemi një rritje të vlerave.
“Gjatë kësaj jave vlerat e temperaturave do të rriten. Temperaturat do të jenë më të larta sesa shkurti, pasi kemi edhe ndryshimin e stinëve, megjithatë nuk do të mungojnë edhe reshjet", shtoi Gjoni.
Temperaturat parashikohen:
Në zonat bregdetare temperaturat 9 deri në 15 °C
Në zonat e ulëta 8 deri në maksimalet 15 °C
Në zonat malore 1 deri në 10 °C
Komente
