Kryeministri Edi Rama ka uruar kampionin olimpik të Shqipërisë Chermen Valiev, i cili për herë të parë i solli vendit tonë një medalje të tillë historike.
Kreu i qeverisë ka përshëndetur punën e Komiteti Olimpik Shqiptar, që drejtohet nga Fidel Ylli, dhe thekson se në Shqipëri jo vetëm që nuk largohen talentet, por vijnë edhe sportistë që kapin majat e botës.
‘Medalja e Parë Olimpike në historinë tonë është një lajm që flet shumë për punën e Komitetit të Rilindur Olimpik Shqiptar nën drejtimin e Fidel Yllit, për të vërtetën që Shqipërisë jo nuk i ikin më talentet sportive të lindura këtu, po talente të lindura gjetkë e zgjedhin si atdheun e dytë për t’u stërvitur në kushte optimale e për t’u ngjitur në majat e botës, si edhe për fillimin e një historie të re që në vite do të sjellë fryte të gëzueshme falë lëvizjes masive sportive për fëmijët dhe investimeve masive në palestra e në infrastrukturë sportive. Faleminderit kampion!’- shkruan Rama.
Edhe presidenti Bajram Begaj, ka uruar mundësin Valiev për medaljen e bronztë për Shqipërinë në lojërat Olimpike Paris 2024.
'Shumë urime për Chermen Valiev që i dhuroi Shqipërisë medaljen e e parë olimpike!'- shkruan Begaj.
Rusi i natyralizuar si kuqezi, mundësi Chermen Valiev ia ka dalë t'i sjellë Shqipërisë medaljen e parë Olimpike në histori në 'Paris 2024'.
25-vjeçari mundi 6-2 rivalin nga Taxhikistani, Viktor Rassadin, në stilin e lirë për peshën deri në 74 kilogramë, duke fituar medaljen e bronztë në finalen e vogël. Paçka se vetëm të bronztën, Valiev ka fituar atë që për dekada të tëra nuk kanë bërë shumë sportistë kuqezinj.
Kryetarja e Kuvendit, Elisa Spiropali, përshëndet kampionin tonë olimpik në mundje, i cili fitoi medaljen e bronztë, e para në histori për Shqipërinë.
“Një dhuratë e merituar për Shqipërinë nga kampioni ynë, mundësi Chermen Valiev! Medalja e parë olimpike në histori, fituar në Olimpiadën “Paris 2024”, një arritje madhore e sportit shqiptar! Një frymëzim e detyrim për të vazhduar e rritur investimet e kontributet për sportin në shkolla, palestra e infrastrukturë sportive. Përgëzime me zemër Komitetit Olimpik Shqiptar. Faleminderit, kampioni Valiev, që na bëre kaq krenar!”- shkruan Spiropali.
Mundësi që përfaqëson Shqipërinë në Lojërat Olimpike Paris 2024, Chermen Valiev, ka rrëmbyer medaljen e parë olimpike.
Kryetari i Bashkisë së Tiranës, Erion Veliaj, i cili ka takuar mundësin Valiev pasi fitoi medaljen, shprehu mirënjohjen për sportistin e SK Tiranës dhe e vlerësoi si një arritje historike marrien e medaljes së bronztë.
“Historikeeee! Chermen Valiev me Medalje Bronzi! Shqipëria merr për hërë të parë një medalje në lojërat Olimpike. Mundësi i SK Tiranës, në Paris 2024 na çoi zemrat peshë me paraqitjen e tij të shkëlqyer. Forca!”, shkruan Veliaj në rrjetin social Facebook.
Në ekipin që përfaqëson Shqipërinë në lojërat olimpike Paris 2024, janë 6 sportistë nga Sport Klub Tirana.
Komente
po dhurate e merituar per shqiperine,,,se i bete dhe i stervitet ju ruset...i vidhnni te gjitha leket per sportin...hajdute te felliqur...
PërgjigjuBravo! Thank you very much Mr.Valiev for this great victory,that you gave to our country!
PërgjigjuKa rilindure me ca me te huaj se kampuonati kombetar ska po ikin te gjithe pse nuk jep lek shqiptarve te rrin por jepni per te huajt
Përgjigju