Parlamenti Europian i është bashkuar SHBA-ve, Kanadasë dhe disa vendeve të tjera përfshi edhe Shqipërinë për njohjen e Juan Guaidos, kreut të opozitës venezueliane si president të përkohshëm të vendit. Prej 1 jave vendi amerikano-latin është në protesta të përgjakshme, në të cilën kanë humbur jetën rreth 40 persona ndërsa presidenti aktual, Nicolas Maduro ende nuk ka dhënë dorëheqjen e kërkuar nga opozita e Guaidos, duke e konsideruar kryengritjen si një ''puç'' të Amerikës ndaj tij. Kundrejt SHBA-së, Kanadasë dhe njohësve të Guaidos, qëndrojnë Turqia, Kina dhe Rusia të cilat i kanë ofruar mbështetjen Maduros dhe qeverisë së tij.
Ndërkohë Parlamenti Europian shprehet se vendimi i marrë ditën e sotme është provizor, deri në garantimin e zgjedhjet të lira, të besueshme, transparente në Venezuelë, si kusht për daljen nga kriza të vendit.
Ndërkohë që ky vendim është përshëndetur jo vetëm nga krerët e Evropën por dhe nga presidenti i Shqipërisë, Ilir Meta.
"Përshëndes vendimin e Parlamentit Europian për të njohur Juan Guaido si Presidentin legjitim të përkohshëm të Venezuelws. Populli i Venezuelës meriton të zgjedhë i lirë Presidentin e tij dhe të organizojë sa më shpejt zgjedhje të lira dhe demokratike." - shkruan Meta.
Komente
