TIRANË- Nënkryetari i Partisë Republikane, Blendi Sulaj në një intervistë për Report Tv është shprehur se në betejën e 25 prillit nuk i llogarit fare partitë e reja të krijuara së fundit nga ish-eksponentë të PD-së si edhe nga opozita e re. Për të, këto parti nuk ndikojnë kurrsesi te PD-ja.
“Partia e PD është më e fortë se kurrë, ka mundësinë, po diti të ndërtojë një koalicion të mirë me partitë e tjera që kanë qenë opozitë, mendoj që do jetë kryesore për të formuar qeverinë. Nuk i llogaris në luftën që do të ndodh në 25 prill, mendoj që mund të jenë parti që nuk do të ndërtojnë diçka, por do i bëjnë fresk Edi Ramës”, tha Sulaj.
Opozita nuk ka dalë me një vendim përfundimtar se si do të shkojë në zgjedhjet e 25 prillit. Sulaj thotë me siguri se PR do jetë krah PD-së, siç ka ndodhur në 30 vitet e historisë së saj dhe është i bindur që koalicioni me to do të jetë më i mirë se ai në 2017.
"Nuk e mendojmë që të kemi të njëjtën marrëveshje më. PR ka kontributin e saj, ne mendojmë se mund të bëjmë diçka të mirë. Ne nuk kemi nevojë për protagonizëm politik, s’e kemi bërë kurrë këtë. Ajo që është e rëndësishme është që si PR dhe PD duhet të ndërtojnë një marrëveshje që ta përfaqësojnë këtë fortë parlamentin e ardhshëm. Do jetë një koalicion më i mirë se ai në 2017, mendoj që PD dhe PR e kanë të qartë si do dalin në koalicion, por momenti do jetë në ditët e para të janarit”, tha Sulaj.
Ku e merr garancinë që opozita do jetë bashkë edhe pas zgjedhjet të 25 prillit, në një kohë që nuk lejohen koalicionet para zgjedhore? Sulaj tha se për këtë nuk është e nevojshme një marrëveshje e shkruar, por i bashkon një qëllim i përbashkët.
“Ajo që garanton një bashkëpunimin nëpërmjet të gjithë opozitës nuk është krijimi i një letre a4 për të firmosur, ajo që na bashkon ne është se ne besojmë se nëpërmjet largimit të kësaj qeverie, që e ka çuar Shqipërinë shumë larg Europës-së, të çojmë Shqipërinë ne BE”, përfundoi Sulaj në Report Tv.
Komente
Ky nuk i llogarit partite e tjera, se nuk i bejne fresk Mediut,po Mediu kujt i ben fresk ?
PërgjigjuPirdh se lirohesh
Përgjigju