Nuk ka fitues në ndeshjen Partizani-Kukësi. Pavarësisht rasteve të shumta nga të dy ekipet në fund asnjëra nuk e gjeti golin duke ndarë pikat.
Pas ndeshjes Presidenti i Partizanit, Gaz Demi u shpreh se “Nuk ishte ndeshje për ta fituar një skuadër. Barazimi rezultat i drejtë. Ka kohë akoma për titullin. Çfarë janë 5 pikë?! Edhe 8 po të ishim, njësoj do qe. Akoma s’ka mbaruar gjysma e kampionatit. Gjithsesi mirë, do ecim mbarë. Merkato? Ato i di stafi teknik, Drejtori (Olsi Rama)’ tha ai.
Ndërsa trajneri Skënder Gega tha se “Në këtë moment ku jemi, çdo mungesë ndihet. Jam i kënaqur për atë që dhamë në fushë. Luajtëm me një rival për t’u respektuar. Me gjithë gabimet tona, morëm maksimumin. Jemi 4 pikë larg ekipeve tjera”.
Partizani vijon i qetë kryesimin edhe pas këtij barazimi 0-0, ndërsa Kukësi merr përkohësisht vendin e dytë, në pritje të përgjigjes nga Skënderbeu.
Komente
