Partizani në volejboll për femra është shpallur kampion i Shqipërisë pas plot 64 vitesh, duke mundur 3-0 me ndeshje në finalet e play off-it Barleti Volley.
Skuadra e “kuqe” e drejtuar nga trajneri Roland Tarja, mposhti sot pasdite sërish 3-1 në finale ish-kampionet e Barletit (ndeshje e luajtur në “Asllan Rusi”), që pas një dominimi disavjeçar, dorëzuan spektrin, i cili tashmë i përket Partizanit.
Skuadra e Partizanit i fitoi të tre ndeshjet finale me rezultatin 3-1, madje të tria sfidat u fituan me përmbysje nga të “kuqtë”, që pasin humbnin setin e parë, përmbysnin gjithçka në tre setet e tjera.
Një sukses i merituar i Partizanit, që bëri një fazë të dytë fantastike, duke mos humbur asnjë ndeshje përgjatë 2018-ës, duke i mundur të gjitha rivalet, ndërkohë që një muaj më parë fitoi edhe Kupën e Shqipërisë.