Partizani ka marrë kryesimin e Superligës duke mposhtur me rezultatin e thellë 3-0 Teutën. Të kuqtë në këtë mënyrë kanë thyer edhe një ‘mallkim’, duke fituar pas ndeshjes derbi, diçka që sezonet e fundit ka qenë tepër e vështirë.
Ndeshja u zhbllokua në minutën e 29 me Asanin që i ndihmuar nga devijim pas goditjes së dënimit kaloi në avantazh të kuqtë. 21-vjeçari vetëm pas pak momentesh do të dyfishonte rezultatin pas një asisti perfekt të Hebajt. Në pjesën e dytë Mensah vulosi rezultatin përfundimtar të takimit.
Pas shtatë javësh kampionat Partizani renditet i pari me 16 pikë, 3 më shumë se Kukësi që nesër luan takimin e fundit të kësaj jave kundër Skënderbeut.
Komento
Komente
