Orges Shehi flitej se do të ishte trajneri i ri i Partizanit, por i pyetur nga Report TV ai e mohoi këtë duke thënë "se s'do jetë ai trajneri i të kuqve".
Shehi u shkarkua pak kohë më parë nga Tirana, ndërsa aktualisht është pa ekip. Përveç Shehit emri më i përfolur për drejtimin e Partizanit është Tomislav Stipic. Ky do ishte një tjetër kroat pas Zoran Zekic, me të cilin Partizani nisi sezonin.
Partizani aktualisht drejtohet nga Arbër Abilaliaj, i cili njëkohësisht mban edhe postin e drejtorit sportiv. Me Abilaliajn si trajner Partizani ka patur një ecuri shumë pozitive pasi ka fituar 6 nga 6 ndeshjet e fundit. Partizani udhëheq kampionatin me Egnatian, por rrogozhinasit kanë një ndeshje më shumë, ndërsa përballja direkte mes dy skuadrave, e ndërprerë për shkak të tragjedisë se DwMenas do të zhvillohet me 23 nëntor, nga minuta e 24 që deri në atë moment shënonte rezultatin 1-1.
Partizani ka njoftuar se nesër, të dielën në orën 13:00 do të prezantojë trajnerin e ri të ekipit.
