19 vite konflikt mes trupave të qeverisë afgane dhe talebanëve duket se janë afër fundit. Mëngjesin e së shtunës në Katar nisën bisedimet e paqes qe duhet të kishin filluar në shkurt por mosmarrëveshjet mbi shkëmbimin e të burgosurve i bllokuan ato. Këto janë hapat e para të drejtpërdrejta midis Talebanëve dhe përfaqësuesve të qeverisë Afgane.
Militantët deri në shkurtin e 2020 kur u arrit një marrëveshje mes SHBA dhe talebanëve kishin refuzuar të takoheshin me qeverinë, duke i quajtur ata "kukulla" amerikane. Të dy palët po synojnë pajtimin politik dhe një fund të dhjetëvjeçarëve të dhunës, i cili filloi me pushtimin Sovjetik 1979.
Bisedimet qeveri-talebanë pritet të jenë edhe më të komplikuara, ku shumë shqetësohen se të drejtat e grave do të sakrifikohen gjatë rrugës. Ceremonia e përurimit vjen një ditë pas 19 vjetorit të sulmeve të 11 shtatorit në Shtetet e Bashkuara. Forcat amerikane ndërhynë në Afganistan me urdhër të Presidentit George Ë. Bush një muaj pas sulmeve për të kapur organizatorin e tyre, liderin e Al Qaedës Osama bin Laden
