Pas 20 vitesh degradim, Pallati i Kulturës në Krujë i është rikthyer jetës kulturore duke dhënë shfaqje në sallat e restauruara. Prej gati 2 dekadash, banorët e Krujës ndoqën mbrëmjen e djeshme shfaqjen e parë në Pallatin e Kulturës.
Pas degradimit nga mos investimit në kohë dhe dëmeve që më pas la tërmeti i 26 nëntorit 2019, salla e koncerteve është rikostruktuar me fondet e Ambasadës Zviceriane, Austriake dhe Bashkisë Krujë.
Aktualisht kjo sallë në Pallatin e Kulturës është restauruar me standardet më të mira duke u vënë në dispozicion artdashësve krutanë.
Investimi për rehabilitimin e Pallatit të Kulturës “Ibrahim Bërdaku” në Krujë, kapi vlerën e 26.7 milionë lekëve dhe pritet të rigjallërojë jetën artistike të qytetit qe prej vitesh kishte 'rënë në gjumë'.
