Sapo u ngjit në skenë këngëtarja me famë botërore nisi koncertin me një prej këngëve më hit të sajat “Hello”, përballë një turme prej më shumë se 65 mijë vetash. Koncerti i shumëpritur u mbajt në BST Hyde Park Festival në Londër të premten mbrëma.
“Është kaq e çuditshme të jesh përsëri para një turme,”- u shpreh Adele.
Ajo kishte planifikuar më parë një koncert tjetër në janar të këtij viti në Las Vegas, por e ka anuluar 24 orë para shfaqjes pasi nuk ndihej gati. Ikona e muzikës “u magjeps” teksa dëgjonte turmën të këndonte hitin e saj “Someone like you”. Pas reagimit nga fansat e saj ajo tha: Zoti im, jam kthyer në shtëpi. Së fundmi gjatë një interviste, Adele u shpreh se së shpejti do të shpallte datat e reja për koncertet brenda SHBA-ve.
“Jam shumë nervoze para çdo shfaqjeje, por jam e lumtur që jam këtu”, tregoi ajo.
Adele përmendi periudhën kur shumë nga fansat që mezi prisnin ta shikonin yllin e muzikës mbetën të zhgënjyer pas refuzimit të koncertit të saj në Las Vegas, Për këtë fakt ajo ndihej fajtore. Këngëtarja i tha turmës në Londër se duhej ta merrte atë vendim, pa e shpjeguar arsyen.
Kujtojmë se ylli i muzikës botërore ka anuluar dy shfaqjet e fundit të turneut të saj botëror, që do të zhvillohej në stadiumin Wembley të Londrës pesë vite më parë pasi kishte dëmtuar kordat e saj vokale.
Adele duke kënduar në koncert
Fansat në koncert
