TIRANË - Gjykata e Lartë ka regjistruar një tjetër kërkesë të kreut të opozitës Sali Berisha e dhëndërrit të tij Jamarbër Malltezi lidhur me kundërshtimin e masave të sigurisë.
Regjistrimi i rekursit është bërë të enjten e 21 nëntorit dhe gjyqtar relator do të jetë Sokol Binaj, por ndërkohë ende nuk ka një vendim për datën dhe orën e seancës. Berisha kundërshton masën e arrestit në shtëpi caktuar nga Gjykata e Posaçme më 30 dhjetor të vitit të kaluar, ndërsa kërkesa në Gjykatën e Lartë ka të bëjë me vendimin e Apelit të Posaçëm të datës 18 qershor, që la të pandryshuar masën.
Kërkesa për revokimin e masës është bërë shoqëruar kërkesës për informacionin dy mujor të organit të Prokurorisë së Posaçme. Ky rekurs vjen në kohën kur Gjykata Kushtetuese e konsideroi si antikushtetuese masën e ndalimit të daljes jashtë vendit për Berishën, por jo atë të detyrimit për tu paraqitur.
Ndërkohë që Kushtetuesja sqaroi se lidhur me masën e arrestit të shtëpisë, do të shprehet në një moment të dytë. Të hënën e 25 nëntorit, GJKKO do të shqyrtojë në seancë paraprake kërkesën e SPAK për kalimin për gjykim ose jo të dosjes “Partizani”.
Komente
Të refuzojnë se je i lirë.
Përgjigjupirdh,pirdh,,se lirohesh o malok...deri ne zgjedhje ne penxhere do rrish...pastaj do hash nja 3 vjwt burg..dhe sekustro e te gjithe pasurise....deri twk luga e kepuceve......
Përgjigju