Në muzeun e qytetit Bonn në Gjermani është çelur ekspozita “Michael Jackson: On The Wall”. Në këtë ekspozitë janë ekspozuar 100 vepra arti nga 70 artistët të ndryshëm, mes të cilëve edhe dy artistët e njohur David LaChapelle dhe Andy Warhol.
Ekspozita është çelur pas premierës së dokumentarit për Michael Jackson, “Leaving Neverland” me regji të Dan Reed, që doli gjatë këtij muaj në channel 4 dhe HBO. Regjisori në qendër të dokumentarit kishte dy të intervistuar, që akuzojnë popstarin për pedofili.
Dokumentari është mirëpritur me shumë kritika të mëdha, disa radio të njohura në Jug të Amerikës kanë ndalur transmetimin e muzikës së tij, ndërsa pritet, që edhe shumë të tjera t’i bashkohen kësaj nisme, kundër mbretit të muzikës pop, nëse vërtetohen rrëfimet në dokumentar.
Familja e tij, e kanë cilësuar këtë dokumentar një gënjeshtër, që bëhet vetëm për qëllime përfitimi pas vdekjes së tij, nga njerëz që për 20 vite të tërë i kanë qëndruar pranë. Michael Jackson u nda nga jeta në vitin 2009.
Komente
