Pas, Alketa Vejsiut, Radio Televizioni Shqiptar, huazon një tjetër prezantuese për Festivalin e Këngës. Edicionin e 61-të të kompeticionit më të rëndësishëm muzikor kombëtar, e moderon për këtë vit Arbana Osmani. Në krah të saj, si regjisor do të jetë, partneri i saj në punë e jetë, Eduart Grishaj, me të cilin ndajnë eksperiencën e televizionit në të tjera programe, siç është edhe “Big Brother”.
Stafi artistik plotësohet me dy emra kompetentë të muzikës, si Shpëtim Saraçi dhe Bojken Lako.
“Edhe pse s’ma la njeri shansin ta ndaj vetë me ju si lajm e para, jam e gëzuar të konfirmoj se këtë vit do të jem në drejtimin e Festivalit të 61 të Këngës në Radio Televizionin Shqiptar.
Një vlerësim, kënaqësi por edhe përgjegjësi e madhe që kam zgjedhur ta ndaj me një skuadër profesionistesh të shkëlqyer me të cilët kam fatin të punoj në këtë projekt.
-Bojken Lako, artisti multi dimensional dhe intuitiv, krijuesi i disa platformave muzikore te suksesshme për të rinjte dhe jo vetëm, një nga njerëzit më intuitivë e më me shije në industrinë muzikore.
-Shpëtim Saraçi, mjeshtri i madh i muzikës, legjende e gjallë e Festivalit të Këngës, një nga njerëzit me virtuozë dhe punëtor që kam njohur.
-Eraldo Rexho, “tempulli” i “ëho’s ëho” në vend, më pranë artistëve se çdo kush tjetër, me energjinë e pashtershme për te punuar pa orar.
Dhe Eduart Grishaj, ai që nxori lajmin para meje;)Një falenderim special për drejtuesit e RTSH qe zgjodhën të besojnë në këtë skuadër, prej muajsh po punojmë që të sjellim një Festival te Bukur, me pranë njerëzve.
Gjithmonë mirënjohëse drejtuesve të familjes sime te Top Media, të cilët më kanë mbështetur gjithmonë në çdo projekt timin.
Shihemi në 19, 20, 21 dhe 22 dhjetor”, shkruan moderatorja Arbana Osmani.
Festivali i Këngës mbahet në datat 19, 20, 21 dhe 22 dhjetor, me 26 këngë pjesëmarrëse. Këtë vit përzgjedhja e këngës më të mirë që do të përfaqësojë vendin në Britaninë e madhe do t’i besohet votave të publikut.
Për 16 prej artistëve, ky edicion shënon rikthimin në këtë skenë, ndërsa 10 të tjerë janë të rinj ose grupe muzikore. Mes emrave të njohur do të marrin pjesë edhe Elsa Lila (me një këngë dedikim për të bijën), Manjola Nallbani, Petrit Çarkaxhiu, Rovena Dilo e Rezarta Smaja.
Më poshtë lista e plotë me artisët dhe këngët pjesëmarrëse në Festivalin e Këngës në RTSH:
Artisti Kënga
- 2 Farm Atomike
- Alban Kondi & Lorela Karoshi Melodi
- Albina Kelmendi Duje
- Anduel Kovaçi Malli
- Arsi Bako Sonte dua të jem me ty
- Melodajna Mancaku Gjysma e zemrës sime
- Elsa Lila Evita
- Enxhi Nasufi Burrë
- Erma Mici Kozmosi i dashurisë
- Evi Reçi Ma kthe
- Fabian Basha Një gotë
- Fifi Stop
- Franc Koruni Në pritje
- Genti Hoxha Ajër
- Gjergj Kaçinari Dje
- Luna Causholli Jetën ta fal
- LYNX Nëse ke besim
- Manjola Nallbani Dua
- Permit of Stay Fobia
- Petrit Çarkaxhiu Emri yt mirësi
- Rezearta Smaja N’Eden
- Rovena Dilo Motit
- Sara Kapo Para teje
- Serxhio Hajdini Vështirë
- Urban Band Në çdo hap
- Vanesa Sono Aroma jonë
Komente
E dhimbshme si perfundoi festivali dhe RTSH. Eshte bere si tip rotacioni mes KlanTV dhe TopTV. Ne nivel prezantuesish dhe stafi nderrohen 1 here ne vit. Ndersa drejtimi 8 vjet Petrit Beci klanori, 8 vjet Keli Topit. 3 vjet ndenji Thoma Gellçi pastaj e hoqen keta pisat e Klan & Top se RTSH filloi ti hiqte publikun ketyre strukturave mediatike te pronareve qe vetem me median e lire nuk kane asnje lidhje.
Përgjigju