Pas ekzekutimit të mistershëm të Presidentit të vetëshpallur të Republikës së Çamërisë në ekzil, vendin e tij e ka zënë Ali Aliu. Ai është emëruar nga Këshilli Kombëtar i Republikës së vetëshpallur të Çamërisë dhe do të mbajë postin e Presidentit dhe të Kryeministrit njëkohësisht deri në akreditimin e zgjedhjeve të ardhshme.
Kujtojmë se ish-presidenti i vetëshpallur i Çamërisë, Festim Lato u ekzekutua në Holandë në muajin korrik. Media holandeze shkruan ai u gjet i vdekur dhe i hedhur ne nje kanal përgjatë Nieuwe Ubbergseweg. Ajo raporton se pas Latos ishin vënë pas një numër kreditorësh dhe mendohet se vrasja ka ardhur si pasojë e disa borxheve të pashlyera.
Por kush është zëvendësuesi i ri?
Ali Aliu u lind më 17 . 03. 1968, në Bardhyl (ish- Bradash të Besianës). Shkollën fillore e kreu në vendlindje, ndërsa të mesmen në Besianë të Dardanisë. Ali Aliu i takon brezit të kryengritësve për Republikën e Kosovës.
Komente
