Një shumë financiare prej 124 milionë lekë të vjetra është akorduar nga Drejtoria e Përgjithshme e Policisë së Shtetit për të rinovuar dhe modernizuar sektorin e komunikacionit mes radhëve të efektivave të policisë.
Me një tender që është hapur në muajin gusht dhe që planifikohet të përfundojë në 23 shtator 2019, synohet të blihen plot 463 radio komunikimi, dy qëndra të transmetimit të valëve dhe 4 programe më softwere të ndryshëm.
Ky tender për modernizimin e sistemit të komunikimit me radio dixhitale mes efektivave të policisë ka një shifër financiare prej 124 milion lekë të vjetra. Tenderi pritet të mbyllet në në datën 23 shtator, ndërkohë tashmë mësohet se janë ofruar me oferta konkrete kompanitë e para.
Ky tender i zhvilluar nga Policia e Shtetit, vjen fill pas përfundimit të një tenderi tjetër ku uniformat blu u paisën me 1010 pranga, 30 megafona, 180 metaldedektorë për kontrollin e armëve të zjarrit dhe 500 bilbila.
Komente
Policia ka nevoj urgjente per mjete te blinduara dhe jo per bilbila e megafona.Forcat speciale shqiptare kan automjete te amortizuara qe eshte turp ti shohesh.
PërgjigjuPo maqinat e FNSHse qe jane te shekullit 1 kur doti zevendesoni se lete name me ato maqina te ster amortizuar qe europa I ka nxjerre nga qarkullimi 40 vjet perpara zoti minister qe blini bilbila dhe marrina te tjera.
Përgjigju