Gjermania po kërkon marrëveshje me vendet e BE për të mbajtur vendpushimet e skive të mbyllura deri në fillim të janarit, në përpjekje për të frenuar përhapjen e koronavirusit.
“Unë do ta them këtë hapur se nuk do të jetë e lehtë, por ne do të përpiqemi,” tha Kancelarja Angela Merkel pasi foli me udhëheqësit rajonalë të Gjermanisë të martën.
Disa nga pikat e nxehta të hershme evropiane të koronavirusit ishin në vendpushimet e skive, duke sjellë përhapjen e infeksioneve në të gjithë kontinentin.
Kryeministri italian Giuseppe Conte ka mbështetur shtyrjen e fillimit të sezonit të skive, por ka theksuar nevojën për një zgjidhje evropiane.
Conte po ashtu kërkon një konsensus evropian, për të mbajtur të mbyllura vendpushimet e skive dhe për masa të tjera gjithashtu.
"Unë mendoj se është një problem evropian. Nëse Italia vendos të mbyllë të gjitha resortet e skive pa mbështetje nga Franca, Austria dhe vendet e tjera, atëherë turistët italianë do të rrezikonin të shkonin jashtë vendit dhe ta sillnin virusin në shtëpi."
Vendpushimet e skive në Francë gjithashtu do të qëndrojnë të mbyllura, por zyrtarët austriakë të turizmit besojnë se ata mund të ofrojnë pushime të sigurta, me masat e reja lehtësuese të cilat do të ndërmerren në 7 dhjetor dhe ata nuk e miratojnë planin italian. Vendpushimet zvicerane janë tashmë të hapura.
