SHBA-ja, Japonia dhe Korea e Jugut kanë nisur stërvitjet ushtarake 3-palëshe në Paqësor, si shenjë uniteti dhe solidariteti përballë Kinës, e cila prej kohësh ka kërcënuar hapur për pushtimin e Tajvanit.
Stërvitja ushtarake u nis dhe udhëhoq nga avionët amerikanë, ndërsa Presidenti i SHBA Joe Biden u takua për bisedime me liderët nga Japonia dhe Filipinet në Shtëpinë e Bardhë.
Një numër shkatërruesish raketash nga SHBA dhe Koreja e Jugut dhe një luftanije japoneze iu bashkuan stërvitjeve në Detin e Kinës Lindore, ku shqetësimet për pretendimet territoriale të Kinës po rriten.
Associated Press ishte një nga mediat që ndoqi nga afër manovrat ushtarake.
Adm. Christopher Alexander, komandant i Carrier Strike Group Nine, tha se të tre vendet kryen ushtrime luftarake nënujore, operacione ndalimi detar, stërvitje kërkimi dhe shpëtimi dhe puna e fokusuar në komunikimin dhe shkëmbimin e të dhënave.
Ai u tha gazetarëve se këto stërvitje ndihmojnë në përmirësimin e komunikimit midis Shteteve të Bashkuara dhe aleatëve të saj dhe "na përgatisin më mirë për një krizë në rajon".
