Pas Këshillit të Europës, tashmë është OSBE-ja që ka dërguar paketën anti-shpifje në Komisionin e Venecias për opinion. Përfaqësuesi i OSBE-së për liri të mediave, Harlem Désir ka njoftuar në një postim në faqen e tij në Twitter se paketa është dërguar në Venecia.
"Dërgova në Komisionin e Venecias projektligjet për Median Audiovizuale dhe Komunikimet Elektronike, pasi Parlamenti shtyu votimin javën e kaluar. Kjo është një mundësi e rëndësishme për të bërë përmirësime të mëtejshme para një votimi të ri të Parlamentit" shkruan ai.
Ndërkohë që socialistët në seancën e javës së kaluar, të enjten vendosën që të shtyjë shprehjen për dekretin e Presidentit për ndryshimet në ligjin për Median Audiovizuale, pra pjesë e paketës anti-shpifje, ndërsa përsa i përket dekretit për Komunikimet Elektronike (AKEP-i) që ktheu presidenti u rrëzua. Tashmë pritet fjalë e Komisionit të Venecias.
Komente
