Rindërtimi i urës së lumit Zezë në qendër të qytetit të Fushë-Krujës ka sjellë anomali të mëdha në qarkullimin e mjeteve në autostradën Fushë-Krujë- Thumanë, dhe Vorë- Rinas- Fushë-Krujë por edhe në lëvizjen e këmbësorëve të cilët duan të kalojnë nga njëra anë e qytetit ne tjetrën.
Për kalimin e lumit nga njëra anë në tjetrën firma që po kryen punimet ka vënë një urë provizore metalike e cila nuk e përballon dot fluksin pasi është shumë e ngushtë.
Siç vihet re në pamjet e siguruara nga Shqiptarja.com fluksi i këmbësoreve që duan të kalojnë nga njëra anë në tjetrën është i madh ndërsa në urë lëvizja bëhet shumë e ngadaltë për shkak të ngushtësisë së saj.
Për të kaluar nga njëri krah në tjetrin një personi i duhen minimalisht 15 minuta. Një shqetësim tjetër është dhe rreziku që i kanoset këmbësorëve që kalojnë mbi këtë urë të improvizuar pasi konstruksioni i saj nuk është në gjendje të përballojë gjithë këtë peshë qe kalon mbi të./Përgatiti Juljan Shota.
Komente
Pse të gjith periheresh si kope delesh?
PërgjigjuMe pase lezet sa te urte jemi si popull me ba me ja ngushtu edhe me shume uren kurkush sban ze . NE shqetesohemi vec me na i sha partite aty ste falim me dhe bertasim e vritemi .
PërgjigjuMos shembet me kaq njerez
Përgjigju