“Ndonëse nga jashtë jemi ndryshe, nga brenda jemi të gjithë njësoj”. Këtë mesazh kanë zgjedhur aktorët e teatrit të Metropolit që të transmetojnë tek fëmijët në datën 1 qershor.
Fëmijët do të mësojnë nga personazhet e shfaqjes, “Njësoj si ti” që vjen nën regjinë e Amri Hasanlliut më shumë për njerëzit me paralizë cerebrale, me aftësi të kufizuara në shikim dhe dëgjim, edhe për ata me sindromën daun.
Gjatë shfaqjes që kësaj here është konceptuar që të prezantohet në hapësirë publike, fëmijët do të kenë mundësi që të bashkëveprojnë me aktorët kur Meli takon Markun, edhe bëhet kurioze për karrocën, apo kur Ema takon një vullnetare me sindromën daun.
Edhe kështu aktorët do të sjellin 2 muaj pas pandemisë së COVID 19 shumë histori të tjera njerëzore përmes së cilave do të informojnë fëmijët në ditën e tyre më të bukur, në 1 qershor, duke i sensibilizuar edhe se si duhet që të sillen përballë këtyre problematikave në të ardhmen.
