Pas Pfizer dhe AstraZeneca në Britaninë e Madhe është miratuar edhe vaksina anti-COVID Moderna nga autoriteti britanik i barnave. Britania është shteti parë në botë i cili ka nisur vaksinimin e qytetarëve me vaksinën Pfizer, më pas ka miratuar edhe AstraZeneca e tani Moderna, duke u bërë kështu i vetmi shet i cili ka miratuar këto 3 vaksina.
Vaksinimi i qytetarëve për COVID-19 ka nisur më datë 8 dhjetor, megjithatë kjo nuk ka çuar në përmirësim të situatës epidemiologjike në vend. Në një deklaratë për median Kryetari i bashkisë Londër Sadiq Khan, ka theksuar se gjendja në kryeqytet ka dalë jashtë kontrollit dhe spitalet rrezikojnë të mbingarkohen.
“Numri i rasteve në Londër është rritur me shpejtësi, me më shumë se një të tretën më shumë pacientë po trajtohen në spitalet tona tani krahasuar me kulmin e pandemisë në Prillin e kaluar”.
Britania është shteti më i goditur në Evropë nga pandemia dhe një ndër shtetet më të goditura në botë, numri total i infektimeve në të gjithë vendin ka shkuar 2,889,419, ndërkohë që numri i viktimave është 78,508 në të gjithë vendin që nga fillimi i pandemisë.
24 orët e fundit janë shënuar 1,325 viktima nga COVID-19 në Britaninë e Madhe, duke shënuar bilancin më të errët që nga fillimi i pandemisë në vendin ishullor. Bilanci i sotëm është me më shumë se 101 viktima se shifra rekord e fundit ditore e regjistruar në kulmin e valës së parë në 21 prill ku u shënuan 1224 viktima. Në Britani janë shënuar 79,833 viktima që nga fillimi i pandemisë. E premtja shënoi edhe një rekord prej 68.053 infeksioneve të reja. Vdekjet u regjistruan në të gjitha mjediset, duke përfshirë spitalet, shtëpitë e kujdesit dhe komunitetin e gjerë.
Shifrat e zymta vijnë ndërsa Anglia mbetet nën bllokimin e tretë kombëtar.
Komente
