Ditën e djeshme, Kombëtarja spanjolle e futbollit për femra u shpall kampionia e re e botës.
Puthja mes Presidentit të Federatës Spanjolle, Luis Rubiales, së bashku me futbollisten, Jenny Hermoso, ka bërë xhiron e rrjetit, e cila nuk është pritur mirë nga opinioni sportiv ku e kanë cilësuar si të papërshtatshme.
Lojtarja u befasua dhe deklaroi se puthja e tij nuk i kishte pëlqyer.
"Uh...po, nuk më pëlqeu", tha Hermoso.
Ditën e sotme, i ftuar në Radio Marca, edhe vetë Presidenti i Federatës Spanjolle, Rubiales, ka folur për këtë ngjarje i cili tha se ‘nuk kishte ligësi në atë gjest’.
“Ka idiotë kudo. Nuk duhet t’i kushtojmë vëmendje këtyre idiotëve. Jemi kampion bote, të shijojmë gjërat e bukura. Nuk kishte ligësi në atë gjest”, tha Rubiales.
Pranë presidentit të federatës ishte mbretëresha e Spanjës Letizia por kjo nuk e pengoi atë të puthte në buzë lojtarin dhe të bënte bujë në Spanjë.
Komente
