Pas QSUT, një tjetër laborator modern i është shtuar rrjetit të laboratorëve publikë me standarde ndërkombëtare, në Spitalin Universitar “Shefqet Ndroqi”
Ministrja e Shëndetësisë, Ogerta Manastirliu ka publikuar pamje nga ky laborator i ri, i cili ka zgjeruar gamën e analizave falas për pacientët në spitalet publike.
Gjatë videos së publikuar ka folur edhe njëra prej mjekeve në Spitalin “Shefqet Ndroqi” e cila është shprehur e kënaqur me këtë investim pasi lehtëson punën, kryen një shërbim më të mirë, më të kualifikuar edhe më të shpejt.
“Për sa i përket një laboratori është tërësisht i rinovuar me aparatura tërësisht të reja dhe struktura e laboratorit është tërësisht e re gjë që na lehtëson punën. Shërbim më i mirë, më i kualifikuar edhe më i shpejt.”, tha mjekja.
Disa ditë më parë, Manastirliu publikoi pamjet e laboratorit të ri në QSUT me standarde të larta për pacientët.
Ministrja u shpreh se po e njëjta cilësi do të jetë në 18 spitale, me ngritjen e rrjetit supermodern të laboratorëve publikë.
