Pas sondës së NASA-s ‘Perseverance’ edhe Kina ka rritur sot të ulë në sipërfaqen e Marsit robotin pa pilot.
Agjencia Kineze e Hapësirës nisi misionin pa pilot Tianwen-1 nga Toka më 23 korrik 2020, siç quhet anija kozmike e dërguar në hapësirë. Tianëen-1 përbëhet nga tre komponentë: pjesa kryesore e anijes që do të mbetet në orbitë rreth Marsit, pjesa që u ul dhe brenda tij roboti i telekomanduar Zhurong.
“Anija kozmike Tianwen-1 zbarkoi me sukses në zonën e paracaktuar” të Marsit me robotin Zhurong, transmetoi rrjetin televiziv shtetëror CCTV.
Ulja u bë në një zonë të planetit të kuq të quajtur Utopia Planitia, një luginë e gjerë në hemisferën veriore të Marsit. Roboti me gjashtë rrota Zhurong, për të siguruar një ulje të sigurte përdori një kombinim të një kapsule mbrojtëse, një parashute dhe një platforme rakete.
Kina ishte përpjekur të dërgonte një robot kërkimor në Mars në 2011, një mision i përbashkët me Rusinë, por që kishte dështuar dhe pas asaj përpjekje Pekini vendosi të vazhdojë misionet I vetëm.
Në shkurt, Kina kishte arritur të niste Tianëen-1 në orbitë rreth Marsit dhe filloi të dërgonte fotografi dhe materiale të tjera nga planeti i kuq për t’u studiuar nga shkencëtarët. Sot, ai arriti të zbarkonte në sipërfaqe pjesën që mbante robotin e vogël Zhurong, i cili ishte në gjendje të dilte. Zhurong , në mitologjinë kineze I referohet perandorisë së zjarrit.
Zhurong, me peshë më shumë se 200 kg, është i pajisur me katër panele fotovoltaike për të siguruar furnizimin me energji. Ai do të jetë funksional për tre muaj.
Ai gjithashtu ka kamera, radarë dhe lazer, të cilët do të lejojnë të studiojnë mjedisin e tij dhe të analizojnë përbërjen e shkëmbinjve të Marsit.
